IniciosociedadeEn Son de Paz este día 30 en Chantada

En Son de Paz este día 30 en Chantada

Este sábado, 30 de abril, a veciñanza de Chantada está convocada a un acto musical, cultural e divulgativo para colectivizar información sobre a situación de conflitos bélicos e da poboación refuxiada que foxe deles.

Publicado o

POR
Redacción
- Advertisement -

En Son de Paz busca ser un encontro da veciñanza que retome a vida comunitaria na rúa e nos espazos públicos, a través da música e da cultura e que pretende aproveitar a necesidade das persoas de tomar parte coa realidade que lles toca vivir. 

O acto vén promovido por un grupo de persoas vinculadas a distintas actividades e proxectos culturais e musicais que entenden que a música pode e debe ser un elemento vertebrador, non só da solidariedade, tamén da unión comunitaria.

Ás 11:30 comezará no auditorio un ciclo de charlas no que tanto persoas coñecedoras da realidade da Ucraína e doutras zonas en conflito como persoas que participan do activismo e da axuda directa a persoas refuxiadas, compartirán as súas visións, coñecementos e experiencias. África e Iemen como refuxios, os refuxiados saharauis e ucraínos e o seu acollemento serán algúns dos temas a tratar.

Pola tarde, a partir das 17:00 na praza do Cantón, ollarase cara o mesmo sitio desde outra perspectiva. Coro Ucraíno, Estrella Polisaria, Academia Feat. Aziz&Ajyu, Searas, Fábrica de Espejos, Liviao de Marrao e Rastreros encherán de música e cultura a vila cos seus sons de paz. Facilitaranse canles de colaboración con distintas entidades e colectivos que participan na axuda ás persoas refuxiadas. 

ÚLTIMAS

Afra Blanco: “A Feira do Viño de Quiroga é a primeira festa de Galicia que eu descubrín”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...