HomeMovementos sociaisA Federación de asociacións da Ribeira Sacra celebra a súa VII Asemblea

A Federación de asociacións da Ribeira Sacra celebra a súa VII Asemblea

Será este sábado 21 de xuño no Círculo Recreativo Cultural (Casino) da vila de Chantada e ás 11:00 horas.

Publicado o

POR
Redacción
- Advertisement -

A FEARS (Federación de Asociacións da Ribeira Sacra), que tivo o seu primeiro encontro no 2022, vén traballando para ser a voz do territorio, en palabras deles “desde unha linguaxe común, rachando o relato único e externo que se nos impón sobre a Ribeira Sacra, cometido no que imos seguir afondando e cohesionándonos as diversas entidades e persoas federadas”.

Este sábado, 21 de xuño, celebrarán unha nova asemblea no Círculo Recreativo Cultural (Casino) de Chantada ás 11 horas. 

Na orde do día da xuntanza poñerán enriba da mesa a renovación da Xunta Directiva, onde continuarán cinco persoas da anterior, mais rotando as súas responsabilidades, e buscando incorporar novas persoas para gañar en representatividade territorial.

Segundo explican dende a entidade, tamén se exporá unha memoria coa xestión da Xunta saínte durante o 2024 e explicarase a situación da Federación, así como o balance económico do 2024. Falan de proxecto ‘consolidado’ e moi necesario pero láianse da falta de efectivos humanos e relevo xeracional en moitas das asociacións que forman parte da federación.

Finalmente din que “recolleremos as propostas da asemblea para o bienio 2025-2026 e reiteraremos a nosa visión crítica do proceso para declarar patrimonio da Humanidade a Ribeira Sacra, así como os impactos no territorio do modelo de territorio e turismo que vai asociado á candidatura”. Na súa opinión, se o proceso sae adiante será “letal” para o territorio e “disparará” os desequilibrios sociais e territoriais, “colapsando infraestruturas e deteriorando a paisaxe”. “Non se pode facer unha marca territorial pensando só nos cartos e desde o clientelismo e o caciquismo”, sentencian.

ÚLTIMAS

Bóveda mellora a eficiencia enerxética en instalacións municipais

Acometéronse dúas actuacións diferenciadas. Por un lado, levouse a cabo a mellora da eficiencia...

“Antes de nós”, filme sobre Castelao na Casa da Cultura de Quiroga

Este sábado, 29 de novembro, ás 18:00h a Casa da Cultura de Quiroga acolle...

‘Peitoescuro’ desvela a derradeiro capítulo da súa triloxía audiovisual

Primeiro foi 'Alvorada', despois seguiulle 'Metamorfose', e agora chega a terceira peza final da...

Presentación literaria de Rochi Nóvoa na Librería Papelotes de Monforte

A Librería Papelotes de Monforte de Lemos acolle unha actividade na que se dará...