A Voceira do PSOE de Bóveda, emprazou ao Goberno de Bóveda a adecentar e limpar as áreas recreativas do Concello. Así o dixo trala convocatoria plenaria celebrada onte, luns dia 28, no Concello, onde interpelou ao Goberno pola situación destes espazos municipais.

“Queremos que o Concello poña en marcha un plan de limpeza das nosas áreas recreativas, xa que comprobamos que son lugares moi frecuentados, tanto para os viaxantes, como para os turistas que visitan esta Comarca, por iso queremos que o Goberno preste atención a estas espazos e arranxe estas areas”, dixo.

Tamén critican os socialistas  a falta de desbroces nos camiños municipais das parroquias da vila, “Moitas veciños e veciñas puxéronse en contacto con nós, para denunciar que as pistas das parroquias están sen desbrozar, incluso as beirarrúas da vila. Por iso demandamos tamén que se limpen estas zonas. A xente que vive no rural ten dereito as unhas boas vías de comunicación, e con tódalas garantías de seguridade, e a limpeza e o mantemento é unha delas”, asegura Macía.