A Agrupación Socialista de Bóveda denuncia os problemas de saneamento que están sufrindo as veciñas e veciños de Eimer en Bóveda. “Os sumidoiros están completamente atascados pola falla de mantemento e limpeza”, advirte a voceira socialista Carmen Macia.

“Foron os propios veciños os que nos trasladaron esta lamentable situación de abandono por parte do Concello. Tras visitar a parroquia, puidemos comprobar como os afectados teñen que soportar os malos olores diante das portas das súas propias casas”, dixo Macia.

Por iso empraza ao Alcalde e a todo o equipo de Goberno “a darse unha voltiña pola parroquia, e comprobar in situ cal é a situación dos sumidoiros de Eimer, e de paso atopar unha solución a este problema. Os bovedenses pagan impostos, e polo tanto tamén teñen dereito a que se solventen este tipo de actuacións na vila”, resumiu.