HomePolíticaO PP acusa a Tomé de ofender aos veciños de Carballedo coas...

O PP acusa a Tomé de ofender aos veciños de Carballedo coas melloras en estradas provinciais

O PP defendeu na Deputación unha moción para o amaño de catro estradas provinciais no municipio de Carballedo. Os socialistas votaron en contra desta iniciativa. Mentres, o presidente, José Tomé, anuncia actuacións en estradas deste municipio por 34.000 euros.

Publicado o

POR
Redacción
- Advertisement -

O portavoz provincial do PP, Javier Castiñeira, sinala: “Con motivo da visita do señor Tomé a Carballedo, para presentar o remate das obras, valoradas en 34.000 euros nas estradas provinciais neste concello, o Partido Popular non ten máis que dicir que isto é absolutamente ridículo e vergonzoso, sobre todo ofensivo para todos os veciños de Carballedo e especialmente para os seis colectivos veciñais que pedían que se arranxaran a totalidade das vías provinciais neste concello”.

Castiñeira explica que “estas estradas, que unen o concello de norte a sur e cos municipios veciños, están en moi mal estado, porque levan moitos anos sen arranxar nin un só quilómetro”. “Case 40  quilómetros que seguen en mal estado mentres vemos como o presidente Tomé rise de todos aqueles que  solicitamos o arranxo desas estradas que son fundamentais para a vida  no rural”. 

Castiñeira declara: “O señor Tomé vende 400 metros de cuneta e o arranxo dun aparcadoiro que da acceso ao pantalán dos Peares que, dende hai varios anos, non ten o servicio de catamarán porque o retirou a Deputación de Lugo”. Para os populares esta forma de actuar do presidente da Deputación “é un absoluto despropósito”. 

ÚLTIMAS

Todo listo para o VII Festival do Viño da Ribeira Sacra de Monforte

A conta atrás para a sétima edición do 'Festival do Viño da Ribeira Sacra...

As comarcas de Lemos e Quiroga fan que diminúa o paro na zona sur da provincia en xuño

Por comarcas, as de Lemos e Quiroga foron as que tiveron un mellor comportamento,...

O PP pide no Congreso acceso aos expedientes dos contratos na liña ferroviaria Monforte-Lugo que aparecen nos informes da UCO

O deputado monfortino no Congreso dos Deputados, Francisco Conde, e a deputada autonómica...

O BNG demanda a Transportes melloras na N-120A ao seu paso por Pantón

O deputado do BNG no Congreso, Néstor Rego, sinala a urxencia dos traballos de...