As obras están finciadas pola Deputación Provincial co 60% e ao concello de Monforte correspóndelle o 40% restante. A previsión do equipo de goberno é que as melloras nas travesías comecen en setembro e na rúa Ourense o fagan entre outubro e novembro.

Segundo o alcalde, José Tomé, con este proxecto cambiarase a imaxe desta zona, que experimentará unha mellora integral, tralas obras que xa se fixeron na rúa Cobas. O alcalde cre que estas obras se centran nunha zona da periferia que tivo un importante crecemento nos últimos tempos e na que hai tempo que non se executa ningunha mellora.