O BNG de Pantón retoma os actos informativos nas parroquias. Faino este sábado con dúas mesas redondas para dar a coñecer a actual situación do medios rural, a lei de montes veciñais en man común, as posibilidades e os cambios lexislativos aprobados polo goberno galego e que, a xuízo do BNG, afectan de maneira directa á poboación que habita o rural.

Apuntan dende o BNG de Pantón que “é importante que as persoas afectadas teñamos a información en tempo e forma por iso facemos dous actos, para achegar á persoas o coñecemento sobre as políticas que nos afectan, e analizar que podemos ou non facer” lembra a portavoz municipal da formación, Rosa Ana Prieto Florines que presentará ás deputadas de Medio Rural, Carme Aira, e María G. Albert.

A participación é aberta a todos os públicos e preténdese de utilidade para a vida cotiá da veciñanza.