Desde a agrupación municipal de Courel Vivo lembran que durante a extinción do maior lume de Galicia, que se iniciaba coa tormenta do 14 de xullo, os medios foron escasos e chegaron tarde. Aseguran que fai un ano que solicitaron ao pleno que o Concello pedise á Xunta máis medios de prevención para o Courel e mellorar pistas e pozos de auga; “non nos fixeron caso votando contra os intereses de toda a veciñanza”, aseguran.

Máis dun mes despois do inicio do incendio, Courel Vivo lamenta que non se teña feito nada para protexer as ladeiras e as aldeas do C@urel. “Seguen vendendo fume e prometendo axudas que moitas quedarán no camiño, poñendo tantas trabas para acceder a elas. Preguntámonos para que estamos a pagar os soldos??”, conclúen