InicioPolíticaPor Chantada defenderá en pleno dúas mocións a prol da igualdade

Por Chantada defenderá en pleno dúas mocións a prol da igualdade

Por Chantada presenta ao pleno deste día 1 de decembro, dúas mocións a prol da igualdade. Unha delas refírese ao 25N e a outra para unha discriminación positiva en materia fiscal para o interior galego.

Publicado o

POR
Redacción
- Advertisement -

Con respecto ao Día Internacional pola eliminación das violencias contra as mulleres, Por Chantada demanda o cumprimento efectivo do Pacto de Estado contra a violencia de xénero, impulsando as modificacións lexislativas pendentes a adoptando as medidas recollidas neste Pacto en materia de prevención, detección e atención integral. para frear as violencias.

Piden que a Xunta poña sobre a mesa recursos suficientes para loitar contra a violencia machista e que bote a andar os catro centros previstos de atención 24 horas a vítimas de violencia sexual, e ampliar o número de prazas e recursos dispoñibles nas casas de acollida para mulleres vítimas.

A moción demanda fomentar a Rede Galega de Entidades Locais contra a Violencia de Xénero en colaboración coa FEGAMP e dar apoio técnico aos concellos; e que a Xunta aprobe un programa de ampliación e extensión dos CIM.

Piden que desde o Observatorio Galego de Violencia de Xénero, se propoñan medidas para a prevención e erradicación da violencia machista e que o concello impulse no vindeiro ano unha ordenanza específica sobre igualdade e que apoie a creación e continuidade de asociacións de mulleres como espazo de participación e empoderamento feminino.

A outra moción de Por Chantada defende medidas de discriminación positiva en materia fiscal para o interior galego. Propoñen a modificación do mapa de axudas rexionais para dar axudas ás provincias de Lugo, Ourense e Zamora coa máxima intensidade que o marco europeo permita a razón da súa condición ultraperiférica. E instan a que se impulse unha renda básica rural.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...