Esperta Monforte presenta ao pleno que se celebra este luns a remunicipalización do servizo prestado na piscina cllimatizada e das demais instalacións e pistas de tenis da Pinguela. Lembran que no 2020 un informe muncipal abordaba o “precario estado” de conservación das instalacións. Daquela extinguíase o contrato de xestión coa concesionaria por incumprimentos do mesmo e entraba a xestionala Tragsa.

Esperta Monforte asegura que despois de dous anos daquela situación non se melloraron aquelas deficiencias e insiste na falta de rendibilidade do servizo “que lle supón á veciñanza ao redor de medio millón de euros ao ano mentres que os ingresos non chegan aos 200.000 euros anuais”

“Resulta chamativa a pouca preocupación do equipo de goberno en manter e conservar o bo estado das instalacións deportivas municipais máis importantes da nosa cidade”, aseguran.