Rivera vinculado á Agrupación de Gaitas San Martiño de Quiroga, á Feira do Viño de Quiroga ou ás festas de Quiroga durante varias décadas, tamén formou parte da directiva de diversas asociacións. Empregado de banca, agora xa xubilado decide presentarse como cabeza de cartel nas eleccións municipais do 2023.
“Xa temos pechados varios integrantes para a nosa candidatura” apunta Rivera e “nos próximos meses iremos desvelando nomes, son persoas que se incorporan á política con ilusión e ganas de traballar polo noso pobo, veciños de todas as idades, representativas da sociedade quiroguesa.”
“Independentes por Quiroga nace como un partido trasversal centrado única e exclusivamente nos intereses dos veciños/as, buscando outro xeito de facer política, estamos integrando persoas de todas as sensibilidades, facendo que as diferencias non sexan as que nos separen senon as que nos unan. Neste proxecto hai espazo para todos, é un proxecto integrador buscando fundamentalmenete: o asentamento da poboación máis nova, a igualdade de oportunidades e a liberdade e a convivencia pacífica”, sinala.
