O BNG de Pantón denuncia a perda de 95000€ da Deputación de Lugo por falta de execución. “O alcalde de Pantón con maioría absoluta non é quen de executar as obras que el elixe e decide, e no canto de establecer prioridades en base ás necesidades da veciñanza, segue un rumbo cuxo criterio descoñecemos na oposición”, lamenta a protavoz do BNG, Prieto Florines.
Así, critica que os 95.000€ que se devolveron por falta de execución “demostran a xestión que se está a levar a cabo non é axeitada” e que “todo queda en anuncios grandilocuentes que tardan anos en se realizar ou directamente non se fan”. Por iso, denuncia que o concello quede sen moitos cartos” que de seren destinados a outros conceptos quedarían no concello criando riqueza”.