InicioPolíticaPablo Rivera: "A Xunta bloquea a apertura do centro de maiores de...

Pablo Rivera: “A Xunta bloquea a apertura do centro de maiores de Ribas de Sil”

O Deputado de Promoción Económica e Social, Pablo Rivera Capón, denuncia que a Xunta de Galicia bloquea a apertura do Centro de Atención a Maiores de Ribas de Sil. “O Goberno galego dedícase a torpedear a tramitación porque non quere que se abra a residencia da Deputación antes das eleccións municipais. É o único que explica o informe desfavorable sobre o Permiso de Inicio de Actividade (PIA)".

Publicado o

POR
Redacción
- Advertisement -

O informe desfavorable recolle cuestións relacionadas coa accesibilidade en dous aseos e nas dimensións duns armarios de obra. Cuestións, reiterou o Deputado, “que xa contaban coa acreditación técnica do Goberno galego no proxecto que a institución provincial presentou para a súa construción”.

“A Deputación de Lugo fixo os deberes, as instalacións están en perfecto estado de revista, o persoal que vai traballar alí está seleccionado e a valoración dos novos residentes está feita”, sinalou Rivera Capón. O Deputado cualificou de “lamentable” a actitude do Executivo autonómico, que “está privando a 29 persoas e ás súas familias dunha dotación básica fundamental, xente que está nunha situación de vulnerabilidade e que está sen protección por cuestións meramente electoralistas, contradicindo os seus propios informes”.

A institución provincial enviou a contestación ao requirimento que recibiu o xoves da Xunta, nun oficio no que tamén solicita ao Goberno galego o expediente completo para poder determinar se se podería ter incorrido nalgunha cuestión de responsabilidade patrimonial por parte da Xunta de Galicia.

A Deputación argumenta tamén que “o obxecto da visita ocular da inspección non é nin pode ser revisar o que xa está autorizado e é contundente ao afirmar que “si existira un erro por parte da Xunta de Galicia, tería que asumir a responsabilidade das consecuencias deste, tanto a nivel económico como social”, denunciando que é a Administración autonómica a que “está a privar dun servizo de gran demanda social, dirixido a persoas de gran vulnerabilidade e que na actualidade non están sendo protexidas, porque existe un cambio de criterio, que non da normativa, en relación a un edificio”.

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...