O voceiro popular en Samos, Miguel Gallego, explica que esta afirmación do edil nacionalista causou un fondo malestar na vila, sobre todo entre os usuarios da residencia e os seus familiares, xa que “despois de toda unha vida traballando, dende o equipo de goberno pretenden que estas persoas sigan a traballar. A resposta que lle dan os usuarios é que vaia sachar el”.

Miguel Gallego tamén lamenta que o equipo de goberno rexeitase a proposta do PP para que o concello de Samos subvencionase unha parte do material escolar que precisan os nenos do colexio. “É incrible que a alcaldesa rexeite axudar ás familias da vila poñendo como escusa que non é cousa do concello”.

Outra iniciativa que xerou polémica foi a negativa da alcaldesa a dar voz á veciñanza para que elixan o nome da nova praza de Samos alegando que o nome ten que ser Fiz Vergara Vilariño porque os outros nomes propostos, como o do abade Mauro “eran ditadores e franquistas. Queda claro que ao BNG só lle interesa dar voz á cidadanía cando lles interesa”, conclúen.