Ao non tratarse o tema en pleno municipal, os nacionalistas rexistraron unha iniciativa no mesmo sentido no Parlamento de Galicia, “A esta situación chégase por non ter previsión, e querer facer da sanidade outro nicho de votos”, afean dende o BNG de Bóveda, que din non entender “como se pode xogar así coa saúde da xente”.

O BNG considera que a existencia de dous centros médicos dificulta o traballo dos facultativos, “Na orixe da falta de atención médica en Bóveda está a peculiaridade de que no municipio existen hoxe dous centros de saúde, cando hai anos só había un”. Dende o BNG de Bóveda cren que hai que sumar esforzos desde o local para lograr a cobertura do servizo de Primaria para todos as persoas do municipio.

O voceiro municipal do BNG en Bóveda, Javier Castro, lamenta que desde o concello “non se dea unha oportunidade á vontade construtiva da oposición; teriamos que buscar todos o mesmo, a cobertura total de médicos no municipio”.