Os populares de Monforte presentarán alegacións ao borrador presentado polo equipo de goberno para modificar a ordenanza de tráfico no referente á carga e descarga en zonas peonís. No pleno de decembro o goberno local presentou a súa proposta de modificación da normativa, “É certo que houbo certos avances pero tamén o é que é necesario dar maior flexibilidade aos horarios”, sinala Katy Varela.

A limitación horaria (de 8:00 a 11:00 e de 16:00 a 18:00 horas) fai que os particulares e os profesionais quéixense das dificultades de cinguirse a ese horario. Ademais de maior flexibilidade horaria, os populares pedirán que se engada unha cláusula “para garantir a retroactividade da norma ata a data na que entraron en funcionamento as cámaras, de modo que decaia a validez das multas impostas polas cámaras e procédase á devolución do diñeiro”.

“A realidade é que o PSOE de Monforte tamén pode aplicar unha amnistía total para todas as multas interpostas nestas zonas desde que empezaron a funcionar as cámaras poñendo o contador a cero nesta vixilancia exhaustiva ata o intre no que se aprobe a ordenanza de forma definitiva, empregando este tempo como un período informativo da nova regulación para os usuarios”, conclúen.