Courel Vivo presenta esta proposta cando aínda non se dabe quen vai gobernar os seguintes catro anos, “pero independentemente de quen sexa, deben cumprir co Courel”. Lembran que teñen sufrido contratempos que lles causaron dano e nos que “as administracións competentes non cumprían co Courel. Goberno e Xunta de Galicia brindaron ó aire cos lumes. Podemos falar de promesas rotas e servizos decadentes como a Residencia, Cobertura, Fibra Óptica polo chan, pero ímonos centrar nas estradas”.

No caso do derrube da estrada á altura de Sta Eufemia, prometíase comezar as obras o pasado ano e aínda non se licitaron, “Ou os tramos da LU-651, na primeira fase entre a Ferrería e Seoane que levan meses parados que só se activaron coa campaña electoral galega e que se están a facer de forma intermitente e con 2 anos de atraso”.

Para a segunda fase, entre Folgoso e Ferrería Vella, entre os puntos 21,6 e 29,7, asinouse agora o contrato para a redacción do proxecto. Pregúntanse se a Xunta pretende facer quilómetros cada 22 anos.

Courel Vivo solicita así que independentemente de quen goberne a Xunta, toménse os seguintes acordos:

• Solicitarlle á nova Xunta de Galicia que cumpra e faga cumprir os prazos nas obras que licita.
• Solicitarlle á nova Xunta de Galicia que faga un esforzo para rematar canto antes as 2 fases da Lu-651.
• Solicitarlle a nova Xunta de Galicia que licite canto antes o novo trazado de Sta Eufemia.