A voceira do PP de Monforte, Katy Varela, tras ver como que as parroquias do municipio están sen auga e hai problemas coa presión na cidade, lamenta que o alcalde, José Tomé anuncie que vai a suprimir os pasos a nivel no municipio.
A voceira popular di que “a auga é fundamental na vida cotiá de calquera persoa e iso non se tapa con bombas de fume como suprimir os pasos a nivel, semella que estamos no día da marmota porque os problemas coa auga son o pan de cada día”.
Recordan dende o PP de Monforte que na madrugada do luns, toda cidade quedou sen auga e que “dende o propio concello unicamente se limitaron a comunicar que se debe a unha avaría na potabilizadora e restrinxen a auga ás parroquias. Seguimos no mesmo punto, coas parroquias sen auga e con moitos barrios da cidade sen presión de auga”.
“José Tomé ten que asumir as súas responsabilidades e non escusarse con bombas de fume como que vai a investir 7M€ na supresión dos pasos a nivel. De que nos serve se non temos auga nas casas?”, sentencio.
