InicioPolítica5 contratacións para a residencia da Pobra do Brollón, os populares pregúntanse...

5 contratacións para a residencia da Pobra do Brollón, os populares pregúntanse se será a definitiva

O voceiro do PP provincial, Antonio Ameijide asegura non fiarse "das reiteradas promesas de José Tomé no referente a esta residencia tras cinco contratacións e incontables despropósitos por parte do goberno provincial de PSOE e BNG".

Publicado o

POR
Redacción
- Advertisement -

A Deputación Provincial vén de autorizar a cesión do contrato de construción da residencia da Pobra do Brollón por parte da empresa adxudicataria a unha nova empresa. Desde o PP provincial agardan que esta quinta contratación sexa definitiva. Ameijide advirte a Tomé que “nin nós nin ningún veciño da Pobra do Brollón se fía das palabras deste goberno provincial tras tantas promesas incumpridas, aínda así agardamos que desta vez sexa unha realidade no menor prazo de tempo posible”.

O voceiro provincial popular recorda que a xestión do gobecontrrno provincial en relación á construción da rede de residencias da Deputación de Lugo é “un despropósito, o goberno provincial foi de fracaso en fracaso no referente á construción da residencia de Pobra do Brollón”.

O contrato da cuarta licitación para a construción desta residencia resolveuse mes e medio despois de ser formalizado, o 17 de outubro, trala súa adxudicación na xunta de goberno do 29 de setembro. Agora, apróbase a cesión do contrato dunha empresa a outra.

O convenio para a construción da residencia da Pobra do Brollón foi asinado en xuño do 2018 e sacado a licitación en febreiro do 2019 cun investimento 1,4 M€. O primeiro contrato foi resolto e coa segunda licitación o goberno da Deputación tardou case un ano en formalizar o contrato para logo ser suspendido e, posteriormente, tamén resolto.

Na terceira licitación quedaba deserto o concurso e os populares aseguran que era precisa unha revisión de prezos, atendendo á suba dos custes da luz, do combustible ou dos materiais da construción. A cuarta licitación foi aprobada en abril de 2023 e adxudicada en setembro por 2,2M€. “Todos estes atrasos supuxeron que o custo desta infraestrutura aumentara 800.000€”, explica.

ÚLTIMAS

Degustacións comentadas na XXIV Mostra do Aceite de Quiroga

A recreación da elaboración tradicional no muíño de Bendilló e a venda do aceite...

O PP esixe o “arranxo inmediato” da estrada LU-P-2903 en Bóveda: “Xa non poden circular camións ou tractores”

Os deputados do Grupo Provincial Popular de Lugo esixiron ao presidente da Deputación, José Tomé, o "arranxo inmediato"...

A candidatura da Ribeira Sacra a Patrimonio Mundial recibe o apoio da Secretaria de Estado de Turismo

A Secretaria de Estado de Turismo, Rosana Morillo, mostrou o seu total apoio á...

A Deputación destina 2,46M€ para a mellora de estradas provinciais

Xunta de Goberno da Deputación de Lugo aprobou este venres a adxudicación, por un...