Cal é o estado do Plan de Protección do Conxunto Histórico de Monforte?

Os populares de Monforte solicitan celebrar unha xunta de portavoces na que participen os redactores do Plan Especial para coñecer as modificacións que se teñen feito.

Praza de España / jrcasan.com

Para o PP é unha falta de respecto que o alcalde non teña informado aos grupos municipais sobre as modificacións realizadas no plan (PEPCHA). Segundo Julia Rodríguez “aprobáronse en xunta de goberno e, polo tanto, sen a participación do resto dos grupos da Corporación municipal”.

“Isto é unha mostra máis da actitude de desprezo do señor Tomé cara á oposición; pero tamén da súa incapacidade por consensuar nada, nin sequera un asunto tan importante como é este plan que afecta ao Conxunto Histórico-Artístico de Monforte”, engade Rodríguez.

A voceira popular tamén quere coñecer se se atenderon as alegacións presentadas, entre as que estaban as propias alegacións do PP. E interésanse polo estado de tramitación, cales son os trámites pendientes e cal e data prevista para a aprobación definitiva do plan.

DEIXAR UN COMENTARIO

Please enter your comment!
Please enter your name here