InicioPolíticaInvestimentos da Xunta na Pobra do Brollón no 2018

Investimentos da Xunta na Pobra do Brollón no 2018

O delegado territorial, José Manuel Balseiro, visitou a ruta da castaña e do mel,  itinerario homologado pola Federación Galega de Montañismo, e destacou que a Xunta investiu na Pobra do Brollón, 1,4 millóns de euros no 2018.

Publicado o

- Advertisement -

Entre as achegas da Xunta máis relevantes, pola súa contía, están as dirixidas ao sector agrogandeiro, que inclúen axudas para incorporación de mozos, para pequenas explotacións e os plans de mellora. Para este fin destináronse 700.000 euros.

Para a mellora de estradas e camiños rurais destináronse 25.000 euros e pouco máis de 50.000 para a renovación de pistas forestais e cortalumes. Os apoios ás comunidades de montes veciñais para a construción de puntos de auga e limpezas supuxeron 22.300 euros.

Do Fondo de Cooperación Local, o concello recibe máis de 209.000 para destinar ao que considere. No ámbito social, o sostemento do servizo de axuda no fogar para persoas dependentes, supón unha achega directa de preto de 121.400 euros. Para a mellora das instalacións educativas e culturais, como equipamentos para a biblioteca municipal, a actuación arqueolóxica no castro de San Lourenzo ou as obras realizadas no colexio (reforma interior, baños, aula de informática,…), destináronse 123.0000 euros.

Para poñer en valor o potencial turístico do Concello, a Xunta, a través do GDR Ribeira Sacra-Courel, destinou 24.600 euros para a Cova das Choias, a mina romana de ouro dos Medos, a aldea da Veneira de Roques, a Devesa de Loureiro e os Sequeiros do Mazo. Para proxectos na Rede Natura achegáronse 8.500 euros para a rehabilitación da fonte de Óutara e da contorna da ponte Barxa de Lor.

No ámbito do emprego a Xunta financiou a contratación de catro traballadores a través dos programas Aprol Rural e Risga e ao axente local de emprego, cunha achega conxunta que supera os 45.000 euros.

 

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...