A xunta xestora do PP de Monforte encabezada polo médico Miguel Lemos contará tamén con Sandra Anido Agra que se encargará da secretaría de Organización e Inmigración; Ángela Nogueiro Rubinos, da secretaría de Igualdade e Ferrocarril; Jaime López Álvarez será o responsable de Sanidade e Acción Social; e Bruno Daniel Bragança Barradas, de Xuventude e Promoción Turística.
Igualmente, a xestora do Partido Popular local contará cunha secretaría rural e de persoas maiores da que se encargará Andrés Rodríguez Vázquez; María Corona Pilar Carreira Rodríguez, da secretaría Empresarial e de Política Municipal; Manuel de Jesús López Sánchez, será o responsable de Comercio e Servizos á Cidadanía; Pedro Rey Pérez, de Emprendemento e Dinamismo Económico e complétase a xunta xestora local do PP coa mestra María Carmen Pérez Álvarez como responsables da secretaría de cultura e deportes.
A nova xunta xestora conta con persoas que levan toda a vida traballando para o Partido Popular en Monforte, ademais de “mozos con ganas de aportar ideas e dedicación”. Lemos tamén destacou que se integran persoas de diferentes sectores do ámbito empresarial e tamén do sanitario.
