O Concello de Monforte regalará aos veciños o libro ‘A palabra exacta’, biografía escrita por Antón Lopo sobre Lois Pereiro, con motivo do 25 aniversario da morte do poeta monfortino.

Será o vindeiro luns, 24 de maio, cando o Concello regalará 400 exemplares ata esgotar existencias. Os libros pódense recolle no vestíbulo da casa consistorial entre as 9,00 e as 14,00 horas.

Esta biografía, editada pola Editorial Galaxia en 2011, está escrita polo tamén escritor monfortino Antón Lopo. O 24 de maio cúmprese un cuarto de século da morte na Coruña de Lois Pereiro.

“Desde o Concello quixemos ter un xesto cos nosos veciños para conmemorar o aniversario do falecemento, o 24 de maio de 1996, do que é un dos escritores máis importantes da nosa cidade. Con este libro, queremos que os nosos veciños descubran unha completa biografía do noso poeta Lois Pereiro, a cal esperamos sexa do seu interese”, apunta o alcalde, José Tomé.