O TSXG informou de que a sección segunda da Audiencia Provincial de Lugo absolveu ao dono dun pub da localidade de Chantada acusado de agredir sexualmente a unha cliente á que coñecía desde había, aproximadamente, 18 meses.

Nunha sentenza con data do 7 de xullo, os maxistrados consideran probado que ambos mantiveron relacións sexuais no interior do establecemento en outubro de 2017.

Con todo, indica que as declaracións da denunciante, segundo a Sala, resultaron “con moi escasa credibilidade, con ausencia da suficiente claridade e seguridade expositiva, sen a mínima e necesaria convicción na súa linguaxe gestual, con contradicións e lagoas impropias, nunha situación de agresión sexual como a que trataba de describir, así como con fragmentaciones non acordes cunha exposición que puidese resultar crible”. Contra a sentenza cabe presentar recurso ante o TSXG.