HomesociedadeA modernización da estación de tren de Monforte obriga a transportar viaxeiros...

A modernización da estación de tren de Monforte obriga a transportar viaxeiros por estrada desde este sábado

Os medios de transporte alternativos estarán habilitados do 25 de febreiro ao 2 de abril

Publicado o

- Advertisement -

As obras de modernización da estación de tren de Monforte de Lemos obrigará a Renfe a habilitar medios de transporte alternativos por estrada entre este sábado, 25 de febreiro, e o próximo 2 de abril.

Segundo explica o Administrador de Infraestruturas Ferroviarias (Adif), as actuacións “non son compatibles coa subida e baixada” de pasaxeiros nesta terminal. Iso si, a circulación de mercadorías mantense entre as 7,00 e as 21,00 horas.

As obras na estación suporán o inicio dunha nova fase de traballos para modernizar a liña Ourense-Monforte-Lugo. En concreto, consistirán na construción dun paso inferior entre as plataformas 1 e 3, complementado con ascensores, o que mellorará a interoperabilidade, a accesibilidade e as condicións de seguridade para os viaxeiros.

Así, entre este sábado e o 2 de abril, cando se prevé recuperar a subida e baixada de pasaxeiros na estación, Renfe habilitará un plan alternativo de transporte por estrada para que poidan chegar aos seus destinos correspondentes dos servizos afectados en Media Distancia, Rexionais e Longa Distancia. Máis concretamente, haberá modificacións nas conexións de Galicia con Cataluña, Ponferrada e León, ademais dos trens que unen A Coruña con Ourense e Monforte de Lemos.

ÚLTIMAS

600 alumnos de oito centros  da Ribeira Sacra participan en Monforte no Correlingua

O Parque dos Condes reuniu aos mozos e mozas de colexios e institutos baixo...

Recollida de plásticos agrícolas nas parroquias de Monforte este 27 de maio

A recollida de plásticos agrícolas levarase a cabo dende primeira hora da mañá e...

Chantada promociónase en Festur 2024 do 30 de maio ao 2 de xuño

O Concello de Chantada participa un ano máis en Festur 2024, X Feira de...

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...