A concentración, convocada pola Asociación Galego-bolivariana Hugo Chávez (Agabo), foi secundada por sindicatos, asociacións e diversas formacións políticas. En palabras da súa presidenta, Ana Mosquera, esta protesta “non vai só de Maduro nin do pobo de Venezuela, senón da paz do mundo”, denunciando que se está a deixar de lado a normativa internacional para que impere a “lei do máis forte”.