O Ministerio de Fomento vén de ratificar o seu compromiso público para continuar coa execución das infraestructuras proxectadas ou que se están a desenvolver no sur da provincia de Lugo.
En declaracións do voceiro do PP no Senado, José Manuel Barreiro, califica “de positiva a xuntanza, na que creo que demos paso para mellorar as comunicacións da provincia e, o que é máis importante, que estamos a cumprir a palabra dada en días pasados diante dos veciños”.
Deste xeito van seguir impulsando a A-56, cuxo treito entre San Martiño-A Barrela xa está en obras, o proxecto da variante Norte de Ourense e a A-76 da variente de Monforte que xa está licitado e van continuar co arranxo da N-540.
No tocante ós orzamentos, hai 10 millóns de euros programados neste ano para o treito da Barrela máis 50.000 euros para os treitos Taboada-Narón e Narón Guntín.
