HomesociedadeMonforte dedícalle un acto ao Día Europeo da Cultura Xudía

Monforte dedícalle un acto ao Día Europeo da Cultura Xudía

No mesmo procedeuse á plantación dunha oliveira, descubriuse un monolito cunha placa conmemorativa, fíxose unha lectura homenaxe e rematouse coa actuación dun cuarteto de corda e vento.

Publicado o

- Advertisement -

O Equipo de Goberno do Concello de Monforte conmemorou o pasado venres o Día Europeo da Cultura Xudía cun acto celebrado na rúa Falagueira, a carón do nº 9.

O acto estivo presidido polo Alcalde da cidade, José Tomé Roca,  que estivo acompañado pola 1ª Tenente de Alcalde, Gloria Prada, varios concelleiros/as e diversos membros descendentes de familias xudías, como a Gaibor e o historiador Felipe Aira.

Procedeuse á plantación dunha oliveira e ao descubrimento dun monolito cunha placa conmemorativa así como tamén á lectura dun texto homenaxe do autor sefardí Mois Benarroch. A Tenente de Alcalde, Gloria Prada, foi a encargada da devandita lectura.

Monolito antes de ser descuberto e oliveira xa plantada. Foto: Prensa Concello de Monforte

A continuación tivo lugar unha breve actuación dun cuarteto de corda e vento que interpretou dúas pezas baixo a dirección de Fernando Sanmartino, director do Conservatorio de Monforte.

Segundo o alcalde, o obxectivo deste evento conmemorativo “é homenaxear e lembrar á Comunidade Xudía e Xudeu Conversa monfortina que, ao longo dos séculos, coas súas vivencias e co seu traballo, contribuíron á construción e á existencia de Monforte de Lemos”.

Monforte, pertence á Rede de Xuderías de España. En Galicia, tamén están integradas nesta rede as cidades de Ribadavia e recentemente Tui.

ÚLTIMAS

Todo listo para o VII Festival do Viño da Ribeira Sacra de Monforte

A conta atrás para a sétima edición do 'Festival do Viño da Ribeira Sacra...

As comarcas de Lemos e Quiroga fan que diminúa o paro na zona sur da provincia en xuño

Por comarcas, as de Lemos e Quiroga foron as que tiveron un mellor comportamento,...

O PP pide no Congreso acceso aos expedientes dos contratos na liña ferroviaria Monforte-Lugo que aparecen nos informes da UCO

O deputado monfortino no Congreso dos Deputados, Francisco Conde, e a deputada autonómica...

O BNG demanda a Transportes melloras na N-120A ao seu paso por Pantón

O deputado do BNG no Congreso, Néstor Rego, sinala a urxencia dos traballos de...