HomesociedadeEscola para o apoderamento de mulleres do rural

Escola para o apoderamento de mulleres do rural

A Unión de Consumidores de Galicia (UCGAL), en colaboración coa Secretaría Xeral de Igualdade, formará a mulleres en novas tecnoloxías a través de obradoiros que se impartirán en oito concellos galegos entre finais do mes de setembro e mediados de novembro. 

Publicado o

- Advertisement -

A Escola para o apoderamento de mulleres do rural: comercio e banca electrónica é o nome da iniciativa, unha aposta pola formación en novas tecnoloxías entre as mulleres do rural galego co fin de diminuír a fenda dixital, fomentar o apoderamento financeiro e a autonomía económica nun contexto no que o número de oficinas bancarias diminúe progresivamente e no que as transaccións de bens e servizos a través da rede están á orde do día. 

Entre os obxectivos deste obradoiro de formación está que as asistentes adquiran coñecementos e habilidades relacionadas coa Sociedade da Información (banca electrónica, comercio electrónico) e que coñezan os seus dereitos como persoas consumidoras e as ferramentas existentes que permiten o exercicio dos mesmos. 

Na zona sur de Lugo acollerá un destes cursos, o Concello de Monforte. Será os días 7 e 9 de outubro e 14 e 16 de outubro en horario de 17.00 a 19.00 h. na Aula CEMIT situada no Edificio Multiusos (Rda. María Emilia Casas Baamonde s/n).

As prazas son limitadas e para inscribirse pódese chamar ao teléfono 981 56 64 11 (de luns a venres de 10.00 a 15.00 h.) ou enviar un correo electrónico a prensa@consumidores.gal.

ÚLTIMAS

Inscricións de novas viñas en suspenso en concellos que non teñan aprobada unha delimitación planimétrica

O pleno do Consello Regulador Ribeira Sacra reuniuse o pasado 10 de febreiro de...

A futura ‘Área Recreativa e Praia Fluvial de Monforte’ terá capacidade para acoller a unhas 20.000 persoas

O alcalde de Monforte de Lemos, José Tomé Roca, informou en rolda de prensa...

Estudantes do IES A Pinguela destacan na fase galega da Olimpiada de Xeoloxía

Corenta alumnas e alumnos de institutos da provincia de Lugo (IES Fontem Albei da...

O Club Lemos preséntalle o seu proxecto de futuro ao Alcalde de Monforte

O novo presidente do Club, Antonio López, que foi elixido polos socios o pasado...