O Concello de Monforte mellorará o acceso á finca municipal das Lamas onde están ubicadas as instalacións de exame teórico e práctico para a obtención do permiso de conducir. O ancho medio da estrada que se vai arranxar é de 6  metros, o que permite dous carrís, un en cada sentido. Mellorarase o espazo habilitado para as manobras do permiso de conducir e na fachada sinalizaranse prazas de aparcamento. O custe de licitación é de 68.091,30 euros e as obras realizaranse neste ano.

O Concello de Monforte tamén presentou o Proxecto PEIM polo que se mellorarán 9 pistas en 6 parroquias de Monforte: o camiño de Lodairo e Pintor Laxeiro, a pista de Cabanas en Moreda, dous camiños en Piñeira, o “Camiño da Colmea” en Ribasaltas, a pista de Salvadur en Rozabales, a pista que vai dende Campo de Abaixo ata a N-120 en Sindrán e o camiño que vai dende O Miogo ata o Eivedo, en San Julián de Tor.

Neste ano acturarase en 5 quilómetros e medio da rede viaria municipal cunha inversión de 88.115 euros.