C@urel Vivo solicita un servizo regular onde os maiores poidan revisar a vista (cun oftalmólogo profesional), ter servizo de podoloxía, dentista, prevención de enfermidades como o alzheimer, así como outras que tivesen demandas xeneralizadas.

• Trátase dun concello que conta coa idade media máis alta, por habitante. Polo que a Sanidade e os coidados sociais ós maiores deben ser unha das prioridades.
• As especialidades médicas están, nalgúns casos, a hora e media de camiño.
• O concello non ten na práctica un transporte regular e semanal que serva para achegar ós maiores, ás vilas que dan estes servizos.
• A Xunta de Galicia xa conta cun servizo semellante ( RedMay ), pero a súa oferta só chega a 20 concellos, entre os que non está Folgoso do Courel.

Por todo o anterior, o Grupo Municipal de C@urel Vivo traslada ao pleno solicitarlle á Consellería de Sanidade que implante un servizo móbil de medicina especializada nos dous centros de saúde do Courel algún día á semana. En defecto do anterior piden que se implante o autobús móbil RedMay no Courel unha semana cada 2 meses.