- Advertisement -
O Concello de Sober a través do persoal de Protección Civil felicitou a domicilio a Kike de Suairexa en Neiras, que vén de cumprir 3 anos. A celebración fíxoselle a petición da familia; desde o concello leváronlle un agasallo e houbo tamén música de aniversario. O concello anuncia que fará o mesmo con todos os nenos e nenas que cumpran anos durante o confinamento.
Lembran, desde o concello de Sober que o persoal de Protección Civil segue a atender as necesidades dos veciños e veciñas levándolles aos seus domicilios alimentación, medicamentos e outros produtos básicos. Desde esta semana contan cun teléfono que atende as 24 horas a disposición dos cidadáns: 650203440.
