A provincia conta con 614 casos activos de coronavirus, 4 máis ca onte. Deses casos, 7 están na UCI, e menos ca onte e 28 en hospitalización, 2 dos hospitalizados están no Hospital Público da Mariña, 5 no Hospital Virxe dos Ollos Grandes e o resto no HULA.
O Hospital Comarcal de Monforte, segundo os últimos datos, volve a recuperar a ausencia de hospitalizados por Covid19, despois de levar 5 días sen casos activos e de que o luns ingresara un varón de 91 que falecía pouco depois, e este martes unha muller con Covid19 positivo.
579 persoas están na casa como casos activos de Covid19, 4 máis ca onte. Lévanse producido na provincia 26 falecementos e 125 altas por coronavirus.
Os casos activos das residencias de maiores na zona sur mantéñense e nos centros de ateción a persoas con discapacidade, o CAPD de Sarria que tiña 8 usuarios infectados e 11 traballadores, anuncia a curación de 7 deles.
E segundo confirma o Sergas, no Hula déuselle esta mesma mañá a alta a unha centenaria que se convertiu na persoa de máis idade recuperada de COVID-19 na provincia.
En Galicia, o falecemento doutras tres persoas en residencias de maiores elevou a 475 o número de vítimas mortais do coronavirus (107 en residencias, 367 en hospitais e outra persoa na súa casa, onde recibía atención hospitalaria a domicilio).
