A Mostra do Mel de Quiroga, que este ano chega á súa XXIX edición, ten por obxecto a promoción dun dos produtos típicos nesta comarca. O mel de Quiroga goza dun gran prestixio  pola súa calidade, tendo distintivo de Mel Ecolóxico a maior parte do produto comercializado.  En canto á variedade, cóntase con meles multiflorais e uniflorais, debido a gran  variedade na flora deste territorio onde conflúen vexetación atlántica e mediterránea.

Proximamente o Concello de Quiroga publicará un bando co prazo de inscrición para  os apicultores que desexen participar nesta edición. Os postos situaranse no recinto habilitado na Rúa Real onde os apicultores participantes porán á venda mel e outros productos apícolas como polen ou propole.

A organización do evento instalará os postos coa distancia  recomendada entre eles atendendo  así as novas normas hixiénico sanitarias. Ao longo da xornada o recinto da feira estará animado  pola Charanga  BB+.