As obras consisten na implantación de equipos de instrumentación e transmisión dos datos en tempo real, nivel da auga no leito así como temperatura ambiente e pluviosidade que chegarán ao CECU (Centro de Control de Cuenca), do que dispón a Confederación Hidrográfica Miño Sil en Ourense, para valoración dos mesmos, coordinación e actuación.
Esta estación proxectouse na área de Potencial Risco de Inundación (ARPSI) de Chantada conforme á planificación do risco de inundación do segundo ciclo para facilitar o control e a capacidade de reacción en períodos de choivas abondosas que produzan incrementos considerables de caudal. Ademais das actuacións descritas, tamén se acometerán os traballos de obra civil asociados á mesma.
O conxunto da actuación supón un investimento de 36.287,38€. As obras enmárcanse na actividade 4 “Programa de control e retención natural” dentro da acción para a ampliación rede SAIH, SAICA, piezometría e control químico, cofinanciado polo Fondo Europeo de Desenvolvemento Rexional (FEDER ).
A través deste mesmo proxecto, xa foron executadas cinco novas estacións do Sistema Automático de Calidade da Augas ( SAICA), no río Louro (Tui, Pontevedra), río Deva (Arbo, Pontevedra), río Sarria (Sarria, Pontevedra), río Avia (Leiro, Ourense) e río Arenteiro (Carballiño, Ourense) e en breve estará finalizada e en funcionamento a nova estación SAIH no río Arnoia ao seu paso por Allariz (Ourense).
