Por Chantada insiste en que eses fondos da UE van a sufrir cambios decisivos para Galicia que afectarán tanto ao Concello de Chantada, canto moitas das exploracións do sector primario e mais o GDR dependen destes fundos da UE.

Por Chantada considera que, nen na campaña electoral das galegas nen depois as formacións políticas teñen unha folla de rota clara para a nova PAC que a Galiza precisaría.

Por iso, Por Chantada aposta por elaborar un documento de análises e alternativas para ter unha PAC mellor e máis xusta para as labregas e labregos. Un traballo que desenvolveron este verán en colaboración con persoas de diferentes sectores e profesionais cunha contrastada traxectoria no medio rural e bos coñecedores da política agrícola común.