O Coro Sarricanta quere dar a coñecer o seu papel na loita contra as inxustizas e os motivos polos que foron perseguidas nuns casos ou vilipendiadas e incomprendidas noutros. Achegándose tamén o 25 de novembro, Día internacional contra a violencia de xénero, buscan reivindicar ás mulleres que nos precederon ao longo dos séculos e abriron camiño ata os nosos días, lonxe da igualdade real pero sen dúbida, camiño dela.

Deste xeito, a Asociación Sarricanta, en colaboración coa Vicepresidencia da Deputación de Lugo (Cultura), organiza un concerto este sábado 24 ás 20:00 h. na sociedade “La Unión”, entidade á que lle agradecen a cesión desinteresada das súas instalacións para a realización do evento.

A actuación, a cargo da formación coral de voces femininas ‘Cantar Delas’, entra dentro do Ciclo de Concertos “Mulleres libres, sempre”. Preséntase comoun percorrido pola música dende o século XIII ata o século XX, dedicado a aquelas figuras femininas que forman parte do imaxinario colectivo e que están presentes nas nosas vidas sen saber, en moitos casos, quen foron e as razóns polas que pasaron à historia.

O concerto é de balde e cumpriranse rigorosamente as normas de seguridade e distanciamento social.