Estes galardóns supoñen para os gañadores, ademais do seu recoñecemento, a proxección, a través de medios de prensa e publicidade, da súa actividade empresarial. Ao mesmo tempo que serve de exemplo de superación para a mocidade lucenses mostrando que o auto emprego e a innovación é outra posibilidade de traballo.

Existen dous premios principais: Premio Novo Empresario/a 2020 e Premio Iniciativa Emprendedora 2020 que serán galardoados coa exención da cota de socios de Aje Lugo por un ano e difusión publicitaria en redes e prensa. E catro accésits: Accésit Innovación, Accésit RSE, Accésit Creación de Emprego e Accésit Internacionalización que serán galardoados coa exención da cota de socios de Aje Lugo por un ano e difusión publicitaria en redes e prensa.

Ademais, os premiados accederán directamente como candidatos aos premios AJE Galicia que están previstos para a primavera de 2021. O prazo de recepción de candidaturas remata o 20 de xaneiro de 2021 ás 23:59 horas. Para presentar a candidatura soamente deberase enviar a documentación requirida a info@ajelugo.com. As bases están publicadas na páxina web da asociación: www.ajelugo.com.