Os Reis Magos percorreron o pasado día 5 as parroquias de Sarria nun traxecto que comezou ás 11:00 h. no Colexio de San Fiz Callas e que rematou en Louseiro ás 18:45 h.

A visita das Súas Maxestades non foi a habitual pero resultou unha boa experiencia, nunha visita diferente ás familias sempre co cumprimento das medidas sanitarias de distanciamento e non amoreamento de xente.

O agasallo que entregaron aos pequenos e pequenas foi un libro editado pola Imprenta Galicia a iniciativa do Concello de Sarria e escrito por Fátima López, que o cedeu gratuitamente.

A maiores, e dentro da campaña “Gardiáns do arco da vella”, o concello lembra que hai marcapáxinas e pulseiras, tamén como agasallo da propia autora, que se poden pedir, entre outros sitios, na Biblioteca Municipal Camilo Gonsar.

Noutra orde de cousas, tamén se informa dende o Concello de Sarria que as bólas gañadoras da primeira edición do Concurso de Bólas de Nadal poden verse na Biblioteca Municipal e que xa se coñecen tamén os gañadores do ‘Sorteo da Milla de Sarria’ -25 premios de 100 euros cada un canxeables por ese importe ou superior en facturas de compra no comercio local-.

Aquí están os dorsais gañadores e poden consultarse todos os datos na web www.sarriacorre.com.