Iniciosociedade'Postais viaxeiras' para poñer ao Incio no mundo

‘Postais viaxeiras’ para poñer ao Incio no mundo

O Concello do Incio repite campaña de promoción, en colaboración con Correos, para dar a coñecer o municipio a través dunha postal que chegará a moitos países do estranxeiro.

Publicado o

POR
Redacción
- Advertisement -

A fotografía elixida para a ‘postal viaxeira’ deste ano foi feita outra vez por Tariq Dajani. É unha imaxe da Casa da Cabaza e nela pódese ver o embalse de Vilasouto.

O Goberno local fixo entrega de 800 exemplares desta postal cos calendarios locais de 2021 que tamén está a repartir entre os veciños e veciñas. A idea consiste en que envíen a postal, que leva o franqueo pagado, a familiares e amigos que vivan ou estean polo mundo e que estes lles manden a foto de volta dos lugares aos que chega. Outra opción é que a leven nas viaxes que fagan e que compartan os destinos onde chegan a través das redes sociais. Neste senso, o goberno local anima a veciñas e veciños a compartir as fotos coa postal nas redes sociais -Facebook, Twitter e Instagram- mencinonando ao Concello do Incio.

“É unha maneira máis de seguir dando a coñecer O Incio e ver o lonxe que chega”, explica o alcalde, Héctor Corujo, “e de que as persoas que reciben a postal, por lonxe que se atopen, queiran vir coñecernos ou saber de nós. Un reclamo máis do noso Concello”, indica.

No ano 2020 funcionou moi ben esta iniciativa, sendo a Igrexa de San Pedro Fiz a protagonista da postal. Chegou a diferentes destinos, moitos deles nacionais, e tamén a países como Francia, Italia, Polonia, Malta, Escocia, Reino Unido, Austria e incluso cruzou o charco e chegou ata Cuba. Todas as fotos foron compartidas nas redes sociais do Concello do Incio.

Postal viaxeira (2020) Venecia

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...