Inmaculada Ramos conta cunha ampla experiencia dual en direccións médicas tanto en hospitais públicos de España, como en empresas de servizos sanitarios. Desde 2016 é vicepresidenta de ASOMEGA, Asociación de Médicos Galegos en Madrid.
Este venres, na toma de posesión, amosaba a sua satisfacción por ser a primeira muller que desempeña este cargo, “é para min unha honra ser a primeira muller que o vai desempeñar. Veño á miña casa e este é o noso hospital, por aquí pasaron e seguirán pasando, familiares, amigos e veciños. É un gran reto para min que este sexa o noso hospital de referencia, que todos os que traballamos aquí esteamos orgulloso delo. Podo ofrecer compromiso, traballo e ilusión; conto con vós porque xuntos somos máis fortes.”
No acto de nomeamento anunciábase un novo paso na reforma integral do hospital público de Monforte, polo que a nova directora ademais de xestión sanitaria encargarase da xestión destas actuacións de mellora.
