O campamento será durante os días lectivos do mes de xullo en horario de 9:00 a 14:00 h. e desenvolverase nas instalacións municipais: centro sociocultural, pavillón municipal, a contorna destas instalacións e A Filgueira –detrás da casa do concello–. Aínda por perfilar o programa ao detalle, este incluirá actividades deportivas, manuais, xogos, etc.

Os interesados e interesadas poderán anotarse do 20 ao 27 de xuño tendo preferencia as persoas empadroadas no Concello de Bóveda. Para facelo pódese chamar ao teléfono 982 426177.

Segundo comenta a técnica de Cultura, Mirian Palmón, a previsión inicial era sacar 15 prazas pero vanse ampliar porque teñen xa 19 preinscricións. Neste momento están á espera de que cambie o decreto de actividades de tempo libre e ver a ratio de monitores por usuarios.