Bustelo de Fisteus é a décimo cuarta aldea modelo de Galicia, pronto comezará a recuperación da terra agraria e nas próximas semanas contarase cunha xestión. A primeira actuación nunha aldea modelo é recuperar a terra agraria da contorna do núcleo cunha dobre finalidade: por un lado poñela a producir e por outro facer unha xestión activa da biomasa previndo os incendios forestais.

Na actualidade cóntase cun promotor interesado en levar a cabo a rehabilitación de varias construcións para poñer en marcha un pequeno hotel enfocado á oleicultura. Leo Chamorro calcula que aproximadamente nun ano poderá inaugurar “un hotel enfocado a un cliente que valore o aceite, sobre todo o da zona, onde o cliente veña vivir a experiencia de saber como se fai o aceite, como se elabora, poder probalo e vivilo”.

O alcalde de Quiroga, Julio Álvarez agarda que con este proxecto Bustelo de Fisteus non só recupere os seus terreos de cultivo, se non que poida recuperar as súas vivendas e ter un futuro prometedor”. A arquitectura do núcleo, a súa situación xeográfica, enmarcada entre unha alvariza totalmente rehabilitada e o miradoiro dende o que se contempla todo o val do río Quiroga, onde rematou a visita; fan que este lugar poida chegar a ser en palabras do rexedor local, “un punto turístico referente no Xeoparque Montañas do Courel”.