HomesociedadeRuta xeolóxica o día 10 no Incio

Ruta xeolóxica o día 10 no Incio

O Concello do Incio, en colaboración coa Cámara Mineira de Galicia e o Colexio Oficial de Xeólogos organizan unha ruta guiada para o vindeiro sábado día 10 de xullo. A andaina ten como eixo central e Ruta do Ferro do Incio vista desde a historia xeolóxica: mares e cordilleiras de hai millóns de anos.

Publicado o

POR
Redacción
- Advertisement -

A existencia de abundantes minas de ferro, de augas termais, e de ríos que desaparecen e volven a aparecer, ten unha interesante explicación xeolóxica. Para comprender esta explicación debemos remontarnos ao que os xeólogos coñecen da Terra hai máis de 400 millóns de anos, cando a comarca do Incio era un lugar moi diferente.

Ás 10 da mañá haberá unha charla no salón de usos múltiples do Concello con Eduardo González Clavijo sobre as minas de ferro e as augas termais. Clavijo é licenciado en xeología pola Universidade de Salamanca. Nos últimos anos realizou varios traballos de divulgación científica e xeoturismo para a Xunta de Galicia, a Deputación de Ourense, a Sociedad Geológica de España e o Colexio Oficial de Xeólogos. É o autor da explicación xeolóxica da Ruta do Ferro realizada en 2018 para a Cámara Oficial Mineira de Galicia.

Ao remate farase a ruta guiada, de cinco quilómetros de percorrido por un tramo da Ruta do Ferro, ata a Fonte de Arnado e con parada en dúas das minas que hai no traxecto. O traslado ao punto de saída será en microbús.

É preciso reservar praza chamando ao Concello do Incio, ao teléfono 982 42 70 14. Hai 30 prazas dispoñibles. A actividade, pensada para todos os públicos, é gratuíta e recoméndase levar calzado cómodo e auga. 

ÚLTIMAS

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...