Os museos e a oficina de turismo de Quiroga amplían horarios

A oficina de Turismo e os Museos Xeolóxico e Etnográfico de Quiroga contarán durante estes meses de verán cun amplo horario de atención ao público.

Museo Xeolóxico de Quiroga. Fonte: turismo.deputacion.lugo.gal

A oficina de turismo abrirá dende este luns en horario de mañá dende as 10:00 ata as 14:00 h; e pola tarde dende ás 17:00 ata as 20:00 para atender a todas aquelas persoas que demanden información sobre o noso municipio, sobre a comarca e sobre toda a Ribeira Sacra.

En canto aos museos, tanto o museo Xeolóxico como o Etnográfico abrirán dende as 10:00 ata as 14:00 h. Polas tardes o museo Xeolóxico abrirá de 17:00 a 18:30 e o Museo Etnográfico de 18:30 ata as 20:00 h.

Exposición de maquetas no Museo Etnográfico / XdL

As fins de semana e festivos o horario de atención ao público será en horario de mañá de 10:00 a 13:00 h. Tanto para a oficina de Turismo como para os museos.

Ademais os Museo Xeolóxico realizou uns marca páxinas cos que obsequiará a todos os visitantes, tanto deste museo como do etnográfico e da oficina de turismo, que inclúen os códigos QR do museo, do concello de Quiroga e do Xeoparque Montañas do Courel. Este código levará directamente a toda a información que se recolle na súas páxinas oficiais. Ademais, no reverso dos marcapáxinas pódese ver unha táboa do tempo xeolóxico cos seus distintos períodos.

DEIXAR UN COMENTARIO

Please enter your comment!
Please enter your name here