Os expertos veñen avisando de que en todo o país vai haber lumes cada vez máis grandes e máis difíciles de atallar, “Moi particularmente no noso Concello polo amplo porcentaxe de Monte que temos e o Valor ambiental que temos; debería ser motivo para que contásemos com máis médios de prevención e extinción,” sinalan desde Courel Vivo.

Consideran que desde Medio Rural se debería dotar esta zona cunha brigada para a prevención durante todo o ano e outra de reforzo de 6 meses. Courel Vivo vén de presentar un escrito na Xefatura Territorial de Lugo de Medio Rural e ó Distrito das Terras de Lemos para a Reorganización de Brigadas para ter base no Concello de Folgoso do Courel. Solicitan:

• Que desde o Distrito Forestal de Lemos e Xefatura Provincial de Lugo, dependente da Xunta de Galicia, se asigne unha Brigada de Extinción de todo o ano ó Courel reforzando a que hai de 12 meses con máis persoal.
• Que desde o Distrito Forestal de Lemos e Xefatura Provincial de Lugo, se reorganicen as bases das sete brigadas de reforzo de 6meses, poñendo unha no noso Concello.
• Que desde a Xunta de Galicia, o Concello, Confederanción e falando coa veciñanza se tente dotar dun pozo de carga a cada aldea nas que se dean as condicións para usar con motobomba, helicóptero. Así mesmo se manteñas as rodeiras de acceso ó monte que se consideren esenciais, acondicionadas para acceder cunha motobomba.
• Que no último lume de Ferreirós se acondicione con palla para que o monte teña menos escorrenta de cinza e terra cara a aldea.