InicioComarca de SarriaParadelaEscape Way en Samos, Triacastela e Paradela

Escape Way en Samos, Triacastela e Paradela

A iniciativa The Escape Way desenvolverase en seis concellos do Camiño Francés da provincia de Lugo, O Cebreiro, Samos, Triacastela, Paradela, Portomarín e Monterroso.

Publicado o

POR
Redacción
- Advertisement -

Cada un dos concellos participantes contará co seu propio xogo, dispoñible a través dunha aplicación de descarga gratuíta. Conxuga a plataforma tecnolóxica con elementos físicos, de forma que só é posible xogar sobre o terreo. O obxectivo é que os visitantes percorran as rúas e se acheguen ao patrimonio e aos lugares de interese mentres resolven o enigma proposto.

Todos os xogos son distintos, con diferentes probas creadas expresamente con elementos propios do concello, polo que cada caso resulta unha experiencia única. Ofrecen contidos en varios formatos, como vídeos, fotografías, textos, ilustracións ou locucións e están deseñados para unha duración aproximada de entre 40 e 90 minutos.

O delegado territorial gabou a proposta e subliñou que “resulta atractiva para persoas de todas as idades e moi especialmente para os máis novos, facilitando unha aprendizaxe lúdica da historia e da cultura da ruta xacobea”.

A Asociación de Municipios do Camiño de Santiago, promotora da iniciativa, é unha entidade sen ánimo de lucro constituída por máis dun cento de municipios españois no Camiño Francés, nos que está a estender esta alternativa tecnolóxica de lecer e de promoción da ruta.

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...