O Ciclo de Cinema da Escola Oficial de Idiomas de Monforte, que comezou o pasado 19 de novembro, ten unha nova proxección o vindeiro venres 26 no Multicines Hollywood de Monforte.
A película que se poderá ver de balde en versión orixinal en francés con subtítulos en castelán, a partir das 20:30 h. é ‘Hors normes’, é unha comedia dramática que foi ‘Premio do público’ no Festival de San Sebastián e película de clausura no Festival de Cannes no ano 2019. As entradas pódense retirar na EOI ou xa na propia sala o día da proxección ás 21:15 h e sempre que houbese entradas dispoñibles.
A xerencia da Escola Oficial de Idiomas tamén informa que están dispoñibles en Instagram as fotos do concurso ‘Outono Fotográfico’ podendo votar antes do venres 26 de novembro. A que teña máis ‘gústame’ gañará o certame.
Outra iniciativa do centro é dinamizar a biblioteca. Con este obxectivo convidan á xente a aproveitar a oportunidade de ser “alumno/a-voluntario/a”. Colaborando de 15 a 30 horas ata o mes de maio, aqueles que participen na iniciativa recibirán formación, supervisión e un diploma acreditativo da participación en actividades de voluntariado na biblioteca. As persoas interesadas poden enviar un correo a eoimonforte@gmail.com antes do 8 de decembro.
