A nivel nacional, repartíronse máis de 17,7 millóns de quilos de alimentos a case 730.000 persoas; conseguindo chegar co Programa 2021 de Axuda Alimentaria a moitos dos fogares máis desfavorecidos.

Cruz Vermella e a Federación Española de Bancos de Alimentos (FESBAL) encárganse, a partes iguais, da repartición dos produtos desta segunda fase, cofinanciada nun 85% polo Fondo de Axuda Europea para as Persoas máis Desfavorecidas (FEAD), e nun 15% polo orzamento nacional.

O Programa FEAD contribúe a paliar as peores formas de pobreza, fornecendo axuda non financeira ás persoas máis desfavorecidas en forma de alimentos e mediante a realización de actividades de inclusión social.