Julia Otero, de 62 anos, anunciou en febreiro de 2021 que padecía cancro e apartábase un tempo da radio para someterse ao tratamento. “Nun control rutineiro, deses que todos temos que facernos, chegou a sorpresa. Nun recuncho apareceron células egoístas, como as chama o doutor López Otín”, explicou a presentadora durante o seu programa radiofónico.

Recentemente, a monfortina comunicaba que non ten “nin unha soa célula canceríxena”, aínda que se mostraba prudente ao insistir en que “o cancro é unha espada de Damocles que dura cinco anos como mínimo”. Este luns 10 de xaneiro regresaba á dirección de ‘Julia en la Onda’.